【Emily】建造業盼籌2000萬 助工友生活費
[2020.02.18] 發表
【明報專訊】建造業議會噚日聯同業界推出「建造業抗疫關愛行動」，希望集合地產商、建築商、分包商等業界力量籌款，以現金援助受疫情影響嘅本地註冊工人，初步籌款目標為2000萬元。
其中如果有工人被衛生署要求強制隔離，關愛行動將提供每日300元生活費，上限4200元；如果有工人確診，喺佢住院同病假期間，關愛行動將每日提供500元生活費，上限10萬元；如果有工人不幸染疫逝世，關愛行動將為佢嘅親屬提供10萬元撫恤金。
前線醫護人員每日面臨極大身心壓力。香港中華廠商聯合會宣布撥款50萬元，今日(18日)推出「與『護』同行，齊心抗疫」計劃，希望以有營養嘅食品表達對醫護嘅謝意，當中會同公立醫院入面嘅員工餐廳合作，喺午膳時段向院內醫護送上靚湯、糖水或滋潤熱飲等，首階段會喺「抗疫龍頭」瑪嘉烈醫院內嘅G座4樓員工餐廳同荔景大樓餐廳推行，每周至少1次，為期4星期，預計超過6000人次受惠。廠商會話，如果效果好，會擴展至其他抗疫前線醫院。
更多港聞
【明報專訊】特首林鄭月娥提出250億元款項抗疫，立法會財委會周五開會專門審理呢個項目，財委會主席陳健波噚日就想用民意向泛民議員施壓。波哥喺f...
詳情
【明報專訊】武漢肺炎喺本港蔓延，李嘉誠基金會噚日公布，繼早前捐款1億元支援武漢醫護後，基金會早前喺全球搜購嘅首批口罩同防護物資已經到港，並喺...
詳情
相關新聞
