【Emily】派米派福袋 非牟利機構惹賄選疑雲
[2019.11.25] 發表
【明報專訊】市民對選舉中嘅「掌心雷」、派福袋同義載投票好敏感，擔心係咪有人賄選。噚日就有至少兩宗派福袋誤會，中午有美孚街坊見到有機構喺美孚派大量福袋，懷疑同選舉有關。Emily立即去美孚求證，發現係誤會一場。原來係有一個叫「家盟」嘅精神病康復者家屬自助組織，咁啱喺美孚一間酒樓舉行周年大會同聚餐，同選舉無關。
Emily噚日見唔少叔叔嬸嬸拎住個福袋喺酒樓行出嚟，就問吓佢哋點解咁開心有福袋拎，叔叔嬸嬸同Emily講係嚟參加周年聚餐，同選舉無關，仲話根本唔係當區居民。有嬸嬸畀周年大會嘅議程Emily睇，證實誤會一場。
另有網民圖文並茂話長沙灣Bar Pacific趁投票日派米、涉嫌賄選。Bar Pacific傍晚發聲明，話派米同區選無關，每年11月都會同唔同慈善機構搞派米活動，至今已16年，今年就同香港社區組織協會合作。Bar Pacific強調活動係為關心社區、為有需要嘅人提供免費白米，每個攞米嘅人都要一早申請，活動同選舉無關，「本公司並無進行或參與任何賄選活動，我們百分百支持公平、公正、廉潔之選舉」。
更多港聞
【Emily】28黨友參選 葉劉先幫陳祖光拉票
【明報專訊】建制派選舉協調一向比較好，不過今屆喺觀塘雙順選區，就出現爭取連任嘅符碧珍同香港警察員佐級協會前主席陳祖光相爭。喺兩個建制派之中，... 詳情
【明報專訊】全港幼稚園自本月14日起停課多天後，今日復課。教協副會長關淑玲表示，未聞有幼稚園選擇繼續停課，但據日前調查顯示，不少教師憂慮催淚...
詳情
【明報專訊】教育局委託香港大學教育學院本學年舉辦5場家長講座，其中下月15日（周日）舉行的講座，以「正向的我．正向孩子」為題，由港大教育學院...
詳情
相關新聞
