【Emily】fb「早一日」出何君堯報平安片？ 大公：疑遭入侵改發帖時間

何君堯噚日朝早遇襲，「大公網」之後喺facebook發布咗一條何君堯嘅片，片中佢向支持者報平安，但條片顯示係前晚7點幾發布，惹來網民質疑。而帖文個「時鐘」，顯示帖文其實喺噚日朝早11點54分發布。

【明報專訊】喺區選競逐連任屯門樂翠選區嘅建制派立法會議員何君堯，噚日朝早擺街站時遇襲，之後「大公網」喺facebook發帖文，話何君堯早上11時喺微博發文報平安，話自己無生命危險；不過有網民發現，個帖文嘅時間顯示係前晚7時54分發出，質疑案件噚日先發生，點解條片會喺前晚發布㗎？

網民質疑「發明時光機」

事件極速發酵，帖文被瘋傳，唔少網民留言都好有創意，例如話《大公報》發明咗時光機，可以預先報道未發生嘅事；有人講笑話啲字一早寫定，之後加番條片啫。Emily問熟悉IT嘅同事，佢話facebook有個功能，可將帖文重新設定時間，但喺隔籬會有個時鐘圖案，顯示帖文實際發布時間。睇番有關何君堯帖文個「時鐘」，顯示係噚日早上11時54分發出。

實際發布時間近昨中午

大公報噚晚發聲明，話噚日朝早11點43分收到何君堯條片，11點54分就喺fb專頁發布，惟管理員帳戶疑似遭到入侵，利用fb嘅修改發布時間功能，將該帖文發布時間篡改至之前一晚嘅7點54分。大公報話對呢類篡改事實、混淆視聽、企圖轉移焦點嘅違法行為「表示極大憤慨，予以強烈譴責」，話會保留追究法律責任嘅權利；今後將加強網絡安全防範。

何君堯區選對手係民主黨盧俊宇及蔣靖雯。

更多港聞

【Emily】話長者被安排投票日外遊 民記質疑礙選舉公正

【明報專訊】有民建聯區議會選舉候選人投訴，話知悉區內有長者被子女等家人安排去旅行，令到啲長者唔可以喺11月24日區議會選舉中投票，質疑此舉破... 詳情

【Emily】同段校長開心合照 沈旭暉：講人話好簡單

【明報專訊】中大今日舉行畢業禮，校長段崇智將再次同學生見面。段校長早前嘅公開信引來關注，唔少學生由批評佢唔配做中大校長轉為支持校長，同時外界... 詳情

【Emily】網上召喚義工 愛的周末派對 有藝人演唱會

【明報專訊】「守護香港大聯盟」召集人黃英豪早前透露大聯盟將會喺嚟緊星期日（10號），聯同幾十個團體一齊發起「愛的周末青葱派對」大型嘉年華活動... 詳情

【Emily】討論3周 稅務寬免草案通過

【明報專訊】經過3個星期嘅討論，立法會噚日終於三讀通過關於稅務寬免嘅修訂條例草案，政府會寬減2018/19課稅年度嘅100%薪俸稅、個人入息... 詳情

【Emily】回應跑馬仔 陳茂波：心無旁騖

【明報專訊】英國《金融時報》早前引述消息話中央正計劃撤換林鄭月娥，令坊間又掀起特首「跑馬仔」話題，唔少政商界人士被點名有望成為接任人，當中包... 詳情