【Emily】議員被褫奪學位事件 KK倡立法會陳列
[2019.11.02] 發表
【明報專訊】立法會內務委員會噚日開會，仍未選出正、副主席。民主派議員噚日發言，講到議員何君堯被褫奪榮譽博士學位一事，公民黨郭家麒(KK)去信內會主席表示關注，形容係「振奮人心」嘅事，甚至話日後可以將同類事件放喺立法會歷史館，「會唔會擺張相，呢個就『前博士』啦，但被褫奪(銜頭)」。
燒埋葛珮帆 「會唔會搵格林威治大學」
KK話本身動議譴責何君堯，但現時要刪去「博士」銜頭，文件、網頁都要改，問有冇招致立法會開支。KK又話想問吓行管會會唔會核證議員學歷，不點名諷刺民建聯葛珮帆，「會唔會去搵吓格林威治大學，睇吓博士係真定假」。
經民聯梁美芬鬧民主派遊花園，不滿發言冇限時；主持會議嘅郭榮鏗話唔會限時，因會有大量反對，無助推進議程。
原任內會主席、民建聯主席李慧琼喺fb慨嘆上年度用咗3分鐘就選完主席，今年開咗5日會、用咗近15小時，質疑係真心議事定拉布。李慧琼區選出戰土瓜灣北，對手係社民連梁國雄。何君堯出戰屯門樂翠，對手包括盧俊宇、蔣靖雯。
更多港聞
【明報專訊】啱啱喺星期二畀英國安格里亞魯斯金大學撤銷榮譽法學博士學位嘅何君堯，唔滿意民主派議員喺今年8月保安事務委會職務探訪，即警方展示水炮...
詳情
相關新聞
