【Emily】藝術家出思考題：唔想威，點解要戴頭盔 伙街坊牛棚重現反修例場景

牛棚《遺．盔》藝術展嘅頭盔以點陣圖方式展示，呢塊展板就係以元朗白衣人襲擊巿民事件為靈感，唔知大家睇唔睇得出當中嘅意思呢？（圖：蕭愷情）

參加者可以去工作坊設計自己鍾意嘅頭盔留念，不限題材。（圖：蕭愷情）

有街坊以黃色頭盔同雨褸製作展品，紀念喺太古廣場墮樓身亡嘅示威者（圖：蕭愷情）

【明報專訊】6月反修例風波開始，頭盔唔再係地盤專屬產物，而係前線示威者裝備之一。本地藝術家Peggy Chan同一班土瓜灣街坊喺牛棚藝術村搞咗個「遺．盔」社區藝術展，用700幾頂廢棄頭盔砌點陣圖，重現反修例運動場面，當中更包括7．21元朗白衣人暴打市民嘅場景。Peggy話頭盔唔應該象徵政府口中嘅「暴徒」，更唔應該畀人拎去「發夢」，點解現時人人要用嚟保護自己，好想大家諗吓呢個問題。街坊收工幫手 帶埋飯煲邊煮邊做「遺．盔」同「違規」同音，Peggy話活動唔係要煽動市民做非法嘢，而係用另一種方式為反修例出一分力。佢話好多支持反修例嘅有心人上唔到前線，又唔想淨係「支持、心痛、加油」就算，所以搞咗呢個展覽。Peggy強調展覽係成班街坊傾出嚟，「藝術家搞嘅話只會就咁擺嚿嘢出嚟」，無乜意思。其中一塊點陣圖以7．21場景做主題，起初街坊諗過直接喺頭盔灑血，現時就改用唔同顏色代表7．21當日唔同嘅人。現場仲有好多唔同「點陣圖」，右上角有提示字眼，參加者可以估吓啲點陣圖究竟想表達咩。其中一名熱心街坊芮先生話，20幾個街坊義工現時都唔知大家真名，通常都係用Telegram「藝名」互相稱呼。義工要收工先嚟到幫手，有人甚至帶埋飯煲，等大家邊做邊煮飯一齊食，變咗「街坊公社」咁。藝術展噚日正式開始，至11月6日。現場有工作坊，參加者可以即場設計頭盔，拎番屋企。不過所有頭盔都係廢棄用品，入面無帽帶，淨係可以留念㗎咋。

更多港聞

【Emily】民間「區義員」 義務為泛民助選

【明報專訊】唔少素人出戰今屆區選，近日有人成立「區義員Watlunteer」，希望招募義工為有需要嘅民主派候選人助選。呢個民間助選團特別之處... 詳情

【Emily】未傾掂選舉論壇點搞 內會未選出主席

【明報專訊】立法會內務委員會同財務委員會連續兩星期嘅多個特別會議，都係處理選舉正副主席，財會累計開咗14個鐘頭會，噚日朝早終於選埋副主席，由... 詳情

【Emily】謝偉銓標白髮 話無關監警忙

【明報專訊】立法會上星期復會，建築、測量、都市規劃及園境界議員謝偉銓（Tony）經過幾個月暑假，頭髮由黑變白（圖）。64歲嘅Tony身兼監警... 詳情