【Emily】「擒賊先擒王」 長毛擬區選撼李慧琼
[2019.09.27] 發表
【明報專訊】區議會選舉下周五(10月4日)將會開展提名期，唔少建制派雙料議員都成為重點挑戰對象，Emily收到風，社民連立法會前議員梁國雄(長毛)正積極考慮落戶土瓜灣北，挑戰民建聯主席李慧琼。毛哥對Emily講，考慮出戰嘅原因係「擒賊先擒王」，又憶述自己早於2003年區選已經對撼民建聯蔡素玉，一向都會挑戰民建聯。
撞區素人 「撐五訴求就可以傾」
毛哥現時尚未正式落區，佢話自己政綱都係「五大訴求，缺一不可」；被問到土瓜灣一帶嘅建制票源一向穩陣，毛哥就話相信未來區選都係一場全民投票咁話。
翻查資料，土瓜灣北已有素人雷靖梵作為社區主任，7月中已經落區；毛哥就話佢本身對此唔太清楚，但認為如果對方都支持「五大訴求，缺一不可」，絕對可以傾，協調到就最好。睇番雷靖梵嘅facebook，佢都相當關注反修例示威。
另外Emily日前報道，社民連女將鄧曉文考慮出戰南昌北，對撼民建聯鄭泳舜，但當區本身已有公民黨劉家衡服務。劉家衡噚日就喺fb出post，佢話之前一直唔知鄧曉文考慮參選，如果民主派為選票互鬥，只會令鄭泳舜收漁人之利，自言顧全大局，選擇退出。
更多港聞
【Emily】周庭膺日本《福布斯》50具影響力人物
【明報專訊】日本《福布斯》雜誌日前公布50個最具影響力人物，香港眾志成員周庭（圖下）榜上有名，同日本著名足球員本田圭佑等人齊齊成為最具影響力... 詳情
【明報專訊】港鐵10月2日開始提升「早晨折扣優惠」，由𠵱家嘅七五折增至六五折，可享優惠嘅市區特定車站亦會由35個增至44個，新增車站包括觀...
詳情
科大廣州校動工 先招研究生 主力數據科學AI先進材料
【明報專訊】近年多間本港大學宣布在內地的發展計劃，香港科技大學獲國家教育部批准，籌建香港科技大學（廣州），簡稱「港科大（廣州）」，新校動工儀... 詳情
【明報專訊】教聯會就今年《施政報告》提出20項教育施政建議，要求教育局完成檢討「幼稚園教育計劃」（前稱免費優質幼稚園教育）前，向幼稚園提供財...
詳情
相關新聞
