【Emily】ATM日限10萬 「612基金」籲其他方式捐款
[2019.07.30] 發表
【明報專訊】為支援反修例運動者而設立嘅「612人道支援基金」本月初成立，已籌得唔少款項，單喺6月16號嘅大遊行就籌到1200萬元。基金8月初會交代進度，而經過過去幾次衝突，市民仍熱心捐款，基金facebook專頁噚日中午再次宣傳捐款方法，並特別提及基金戶口每日經自動櫃員機存入現金上限為10萬元，而噚日中午時限金額已滿，叫大家考慮用其他方式捐款。
呢個帖文一出，有唔少網民隨即「課金」支持，並留言貼上入數紙或轉帳紀錄，話自己立即響應捐款，金額由數百蚊、1000蚊甚至幾千蚊都有。近日唔少市民喺港鐵站放下散紙畀有需要嘅人買車飛，有市民亦處理咗用剩嘅錢捐畀基金同網媒。
Emily問過基金信託人之一何秀蘭，佢話無緊密睇住捐款數字，唔敢講呢兩日捐款係咪「急升」，而早前查閱所見，基金就有1900萬元，基金會用作醫療、訴訟等援助，亦會支援特別情况。
何秀蘭強調即使有醫療援助，受傷嘅無人講到可以100%復元，亦無必贏官司，希望大家最緊要都係小心保護自己。
更多港聞
【明報專訊】反修例風波引發連場示威，建制派多次話有外國勢力干預，噚日《大公報》刊登照片，話上環警民衝突期間，有外籍人士「洋指揮」，喺西營盤向...
詳情
【明報專訊】剛過去嘅周六同周日（27及28日），元朗及上環分別發生嚴重警民衝突，不過除咗政府出稿譴責暴力、警方交代行動外，至今未有任何政治任...
詳情
相關新聞
