【Emily】從影展認識傷健人士
[2019.07.30] 發表
【明報專訊】不一樣嘅經歷，或多或少都會影響一個人睇事物嘅角度。香港傷健協會上周末喺觀塘舉行咗攝影及短片展《假如》，畀大眾從傷殘人士嘅眼光同美學角度睇事物，對傷殘人士有新嘅認識，並推廣傷健融合理念。傷殘人士亦可以通過學習拍攝相片及短片嘅技巧，加強佢哋自我表達嘅能力。
展覽中嘅相片同短片，均由協會共融媒體訓練班嘅學員一手包辦，佢哋上完理論課後就分組拍攝。各組需就獲安排嘅拍攝對象，自行構思每張相嘅拍攝主題、地點、角度、內容等，最後經後期製作完成作品。協會主席何永煊話，展覽當中每張相片都花咗唔少心思，相信只要大家細心觀察，就可以了解到傷殘人士嘅熱誠，並且對佢哋有新嘅認識。
更多港聞
相關新聞
