雷鼎鳴批民陣人數「冇乜用腦」 岑子杰斥不專業貽笑大方

雷鼎鳴

【明報專訊】民陣周日嘅反對修訂《逃犯條例》遊行由天光行到天黑，軒尼詩道一片白衣人海，不過點算人數有爭議，大會宣布有103萬人，警方估計高峰時有24萬人，科大經濟系前主任雷鼎鳴(圖)就估算有19.9萬人參與遊行。雷鼎鳴噚日喺港台訪問上解說，其間形容民陣嘅人數估算太誇張，「佢哋似乎冇乜用腦」。

民陣召集人岑子杰就向Emily反駁，話前日嘅遊行路線同雷鼎鳴所講嘅已經係兩回事，因為遊行隊伍塞到去炮台山，而駱克道都開放遊行，甚至遊行人士迫到要先去中環、再兜返金鐘，亦有好多人中途加入。

根據雷鼎鳴嘅估算，由維園去到政府總部全長3公里、沿途道路闊10米，總面積為0.03平方公里，就算有市民走到其他馬路橫街，都只得0.05平方公里，對於民陣話逾百萬人喺咁細小嘅面積遊行，感到非常奇怪。工聯會黃國健噚日就話，警方、學者都統計約有20萬人遊行，話民陣誇大遊行人數、乘大5倍。

而岑子杰就憶述，雷鼎鳴曾經話佔領中環會令香港損失千億元，但去年就喺報章專欄寫，即使香港失去美國獨立關稅區地位，最多都係損失10億，岑質疑雷作為學者，講嘅嘢都不符合專業，「講出來貽笑大方」。

更多港聞

四叔露面 李兆基基金1億捐浸大

【明報專訊】人稱「四叔」嘅恒基地產（0012）創辦人李兆基5月底宣布退休後，繼續熱心公益。浸會大學噚日宣布獲「四叔」透過李兆基基金捐贈1億元... 詳情

天文台借神戶靚相講解倒掛彩虹

【明報專訊】雨後不時會有彩虹，有時道彩虹會「升咗」上頭頂，仲要倒轉咗。天文台噚日就喺facebook貼咗張相，有一道「環天頂弧」出現喺太陽上... 詳情

晴天行動2.0 VR體驗天災學自保

【明報專訊】超強颱風「山竹」上年襲港，引發各區塌樹、交通癱瘓等，香港作為咁密集城市，自然災難影響可以好大，政府就舉辦為期一年嘅跨部門公眾教育... 詳情

梁福元自動當選十八鄉西區議員

【明報專訊】鄉議局早前換柱，唔少鄉委會主席亦有換人，原本係十八鄉鄉事委員會主席嘅梁福元，之前無競逐連任，其鄉委會主席職位，就由原本係元朗「十... 詳情

神沙車維修小休 網民諗多咗

【明報專訊】為咗方便市民將手上嘅「神沙」轉換成鈔票或用作八達通增值，金管局自2014年開始推出兩部收銀車，輪流到18區收集硬幣；金管局噚日公... 詳情