區選11．24舉行 8月啟動宣傳
[2019.03.16] 發表
【明報專訊】區議會換屆選舉年底舉行，政府噚日刊憲，決定今次區選會喺11月24號舉行，今次選舉共有452個議席，有123個選區分界經過修訂，大部分有意參選人其實已經陸續落區工作做準備。政府今年8月開始，會為區議會選舉做一系列嘅宣傳工作。
立法會政制事務委員會下星期一會討論年底區選政府嘅宣傳計劃，根據政府早前提交嘅文件，政府會喺8月開始分階段宣傳，好似8月會就「廉潔選舉」舉行宣傳項目同活動，政府有意設網站、舉行簡介會，出動宣傳車同埋巡迴展覽等喺各區宣傳，亦會推出教育宣傳短片等。
9月中開始則會有配合提名期同競選期嘅宣傳活動；投票前一星期會用不同宣傳方法，增加選舉氣氛，政府話已經喺今年財政預算案中，預留750 萬元做有關宣傳。
更多港聞
【明報專訊】由鳳凰衛視及鳳凰網發起，中國新聞社同世界華文媒體集團聯合發起，《明報》、《亞洲週刊》等20幾間傳媒共同主辦嘅「世界因你而美麗——...
詳情
相關新聞
