家有喜事 唐唐榮升爺爺
[2019.02.04] 發表
【明報專訊】全國政協常委唐英年噚日透過微博同大家拜早年，一開始已大讚「豬是象徵聰明丶活潑和福氣的動物」。唐唐亦同大家分享好消息，透露「唐家亦迎接了一個新生命的誕生，家人喜慶滿堂」。Emily聽聞，原來唐唐大仔唐家盛上月添丁，唐唐榮升爺爺，真係可喜可賀！
話同西九文化區一齊迎新開始
本身係西九管理局主席嘅唐唐喺微博話，祝大家喺豬年充滿福氣和朝氣勃勃，形容西九文化區和同佢家庭一樣，迎接新開始，戲曲中心正式開幕開台；佢屋企亦迎接新生命誕生。佢祝香港喺民生丶經濟同文化方面，不論面對順境或逆境都毋懼挑戰，祥和豁達，穩步發展，展現香港人獨有精神。
雖然家庭有新成員，但唐唐擺上微博嘅相只係一張佢拎住「福」字嘅相，並無家庭照。唐唐對家事其實都非常低調，佢囝囝兩年前結婚亦無大排筵席，即使榮升爺爺，亦只係話屋企有新成員。
更多港聞
相關新聞
