去信連鎖食肆 鄺俊宇爭取老友記食飯慳3蚊

鄺俊宇（圖）近排去信多間大型連鎖食肆，呼籲佢哋為長者提供3蚊折扣優惠，等老友記每次食飯都可以平少少。（陳柔雅攝）

【明報專訊】最近獲委任為新一屆扶貧委員會委員嘅民主黨立法會議員鄺俊宇(鄺神)，委員會未正式開會已經滿腹大計，諗緊點樣幫助基層。事緣「鄺神」留意到大型連鎖食肆大快活現時有向長者提供優惠，65歲或以上、持有長者卡嘅長者可以申請大快活關愛長者卡，每個月有300蚊，每次有3蚊折扣，直至扣完為止，於是就去信多間連鎖食肆，希望有朝一日可以喺其他食肆「成功爭取」3蚊優惠。

鄺神噚日同Emily講，食飯有折扣，除咗令長者可以慳錢，更重要係令佢哋願意出吓街、食吓飯。佢已經去信畀大家樂、吉野家、美心等大型連鎖食肆，其中大家樂就書面回覆佢，話會積極研究唔同方案去幫助有需要嘅人。

大快活現提供每月300元關愛卡

扶貧委員會今個月下旬就會召開第一次大會，首次加入扶貧委員會嘅鄺神就話，長者福利係最迫切要討論嘅議題，亦都關注青年議題。最近佢亦探訪咗自負盈虧嘅智障人士家舍，發現好多家舍都資源不足，希望政府思考吓點樣增加支援。

更多港聞

平霸普慶「再現」 細味彌敦道70年代70道風景

【明報專訊】香港發展得好快，現時同40年前嘅香港，都已經有天壤之別。政府檔案處網頁噚日上載咗70幅1970年代中期彌敦道建築物同街景嘅照片，... 詳情

被問懷孕否 葉劉助擋駕 準新娘容海恩﹕唔回應喇

【明報專訊】新民黨立法會議員容海恩（Eunice）今個月就會同該黨嘅政策總裁袁彌昌拉埋天窗，成為立法會首名任內結婚嘅女議員，政圈更盛傳佢係雙... 詳情

團結基金訪3猛人 齊講大灣區

【明報專訊】粵港澳大灣區發展成為國策，人代、政協以至建制政黨，不時都講吓大灣區對香港有咩機遇，又為香港人爭取喺內地嘅便利措施。全國政協副主席... 詳情

譚志源過檔馬會做總監

【明報專訊】政制及內地事務局前局長譚志源（Raymond，圖）早前離開咗官場前老細、南豐集團主席梁錦松創辦嘅新風天域集團，不過Raymond... 詳情