太古廣場店結業 「香港唱片」熟客﹕享受同小朋友一齊逛
[2018.06.28] 發表
【明報專訊】有30年歷史嘅「香港唱片」(Hong Kong Records)因為經營困難，金鐘太古廣場分店噚日結業。幫襯咗20年嘅常先生話，以前自己啲小朋友仲細嗰陣已經成日帶佢哋嚟行，好享受一齊喺舖頭搵心頭好嘅家庭時間，見住舖頭結業覺得「好傷感」，「有好多回憶，所以最後一日一定要嚟」。常先生又話唱片舖喺用成本為大家提供消遣場所，覺得自己有責任「捍衛」。
「每次嚟直奔古典樂房」
做音樂嘅劉小姐眼見呢間幫襯咗10年嘅舖頭結業，都話好可惜。佢鍾意聽古典樂，話太古廣場分店吸引之處係有間爵士同古典音樂嘅專屬房間，「每次嚟都會直奔去嗰間房」。劉小姐覺得喺網上聽音樂好似已經成為趨勢，自己都少咗買碟，最近一次已經係一年前。
香港唱片創辦人蕭勁展噚日同朋友喺舖頭出面影相留念，但冇答Emily問題，只係話「冇補充」。蕭勁展早前接受《南華早報》訪問時話，公司不敵網上音樂串流平台，加上唱片市場萎縮，連蝕3、4年，只好結束太古廣場分店。佢又話海港城分店恐怕都難逃結業命運。
更多港聞
歷史檔案館藏品 5.7％數碼化 朱福強呢鋪撐政府﹕唔覺有問題
【明報專訊】科技發達，唔少政府機構都講數碼化，政務司長辦公室噚日書面回覆立法會議員提問，披露咗歷史檔案館數碼化進度，原來檔案館150萬項藏品... 詳情
【明報專訊】本港青年團體近日組團訪問內地，包括深圳、武漢、北京，據稱呢個由全國政協委員霍啟剛帶隊嘅訪問團，將會獲國務院副總理韓正接見，相當高...
詳情
【明報專訊】早前有補習名師被控非法接收文憑試題目，教育局長楊潤雄昨日回應立法會議員有關懷疑試題外泄個案問題，指自首屆文憑試（DSE）推出以來...
詳情
相關新聞
