曾鈺成智庫成員 任律師會副會長
[2018.06.27] 發表
【明報專訊】律師會理事會噚日互選2018/19年度副會長，今年度副會長人數由兩名增至3名，選前大熱黎雅明、喬柏仁同陳澤銘順利當選，其中陳澤銘2016年先加入理事會，上位速度可謂飛快。陳澤銘身兼立法會前主席曾鈺成牽頭智庫「香港願景」嘅名譽研究員，去年曾提出分兩階段先易後難為《基本法》23條立法，先為分裂國家等罪名立法，之後再處理竊取國家機密等。
陳澤銘現時係一間投資公司嘅法律顧問，曾任山東省濟南市政協委員，佢噚日會見傳媒時強調，自2016年初起已經唔係政協委員，只係政協海外顧問，佢話唔會討論政治議題，只從法律角度評論社會事件。
會長彭韻僖噚日解釋增加副會長人數原因，話會員人數至今超過1萬，律師會工作繁重，而10多年前律師會都出現過3個副會長。
另外兩名副會長方面，黎雅明擅長有關訴訟、商業、信託同公證等範疇，自2016年起任副會長，今年連任。喬柏仁自2009年起加入理事會，擅長風險管理同解決爭議等業務，現時身兼英國駐香港總領事嘅榮譽法律顧問。
更多港聞
動夏嘉年華月底開鑼 海洋公園員工不滿工時抗議贈興
【明報專訊】海洋公園喺夏天都會搞以水為主題嘅「夏水禮」，但園方今年一改主題，改為以海洋生物、野生動物及雀鳥為主題嘅「動夏嘉年華」。園方為此投... 詳情
【明報專訊】「聽障人士」的稱呼對一般大眾來說或許無傷大雅，但有學生去年在聾人機構實習期間，了解到部分聾人可能會認為字眼帶有歧視，慶幸能認識不...
詳情
【明報專訊】港大教育學院言語及聽覺科學部「言語、語言和閱讀實驗室」，現正招募就讀小三至小六，確診或懷疑患有讀寫障礙和正常發展兩批學童，做一項...
詳情
相關新聞
