【明報專訊】「超人」李嘉誠在業績會上公布退休，最後一次以主席身分主持會議，口裏雖說「無唔捨得」，但就多次謙虛向記者講，「咁多年嚟，你哋一般對我好好」，又指以往自己被記者影得多，「今日讓記者問多5至10分鐘後，我落嚟同你哋一齊影相，你哋安排我點影就點影」，讓大家留念，但求盡量滿足記者們。 昨日會場上百名記者，不少人由入行已經負責報道長和系新聞，對超人都有一份親切感，但職責在身唯有繼續追問，令本來答應到台下合照的李嘉誠一直未能動身，直至佢反問「你哋仲影唔影，唔影我就走啦」，眾記者們才暫且作罷。以往站在鎂光燈下的首富，微帶駝背地走入記者群中，記者們亦紛紛讓路，生怕這位年近90的老人被擠到。李嘉誠除坐定定與大家合照，更逕自上前與多位記者握手，讓大家自拍。 被問到會否往後在基金會或長和活動中有機會再見，誠哥以輕輕一句「我唔搞記者招待會啦」帶過，令這張大合照更具意義。 問到今次退休後會否出版自傳，他透露曾經興起念頭，更「好早寫錄音，我做了兩個月，但後來覺悟了，我不應該出」。因為「講真話會得罪好多朋友，但我又不想講假話」。他指好開心今日仍擁有健康，可以繼續做基金會。 李嘉誠一向甚少公開交代私事，有記者昨趁機嘗試問及他與「紅顏知己」周凱旋是否已結婚此一私密話題。李嘉誠反問「你估我會不會答你？」又指「你邊間(公司)？我想認識吓」。
|
| |
| |
;){kind=small}
