【明報專訊】剛剛喺上年結婚嘅公民黨黨魁楊岳橋(AY)，噚日趁新正頭喺立法會派利巿，係婚後第一次派。AY話昔日都有派開工利巿畀同事。佢噚日邊派邊祝大家工作順利，仲強調「大家開心就得啦」。

除咗AY，實政圓桌立法會議員田北辰、經民聯林健鋒同自由黨邵家輝等議員，噚日都特別喺立法會向在場記者派利巿。

容海恩評袁彌昌﹕無感覺

新民黨立法會議員容海恩(Eunice)噚日都同傳媒團拜，大家都追問佢同緋聞男友袁彌昌嘅事，不過，Eunice避談緋聞，話自己一向唔講感情事。

被問到袁彌昌嘅表現如何，Eunice竟然話：「我對佢無感覺。」至於新年有無去男朋友屋企拜年，Eunice就話去咗好多地方拜年，仲話以前都曾經去過當時嘅男友屋企拜年，但就唔肯透露有無去袁彌昌屋企啦。