運署App新功能 增修路資訊道路快拍
[2017.11.13] 發表
【明報專訊】相信唔少司機都同Emily一樣，最怕揸車遇上塞車同整路，運輸署噚日就喺旗下應用程式「交通快訊(eTraffic News)」加入兩項新功能——「道路工程資訊」同「交通快拍」。顧名思義，「道路工程資訊」可以顯示路政署預先計劃、時速限制70公里或以上嘅道路維修保養工程資料，包括位置、封閉嘅行車線、工程類型，仲有施工日期及時段等，大家開車前可以睇一睇，唔使見到車龍先嚟後悔。
另一個新功能「交通快拍」(圖)，可以睇晒全港主要道路嘅快拍影像，影像來自運輸署閉路電視系統，大約兩分鐘更新一次。以後邊度塞車、邊度暢通無阻就一目了然。運輸署亦順應潮流，容許用戶調校字體大細、選擇提示鈴聲同震動提示。
(應用程式撮圖)
更多港聞
【明報專訊】香港基督少年軍、基甸少年軍訓學校同明光社上年合辦咗「全城褪網運動2016」，鼓勵巿民活動當日夜晚6點後唔上網；活動其後再喺4間中...
詳情
STEM津貼憂「燒煙花」 小學盼設實驗室技術員
【明報專訊】為推動STEM（科學、科技、工程和數學）教育，教育局去年向全港小學發放10萬元，今年再向全港中學發放20萬元一筆過津貼，教育局長... 詳情
相關新聞
