傅家俊出自傳 鼓勵年輕人追夢

桌球手傅家俊（左三）及玩具大王林亮（右二）於今年書展推出自傳分享追夢經歷；右一為林亮太太戚小彬，她為丈夫的著作執筆。左二為飛機師鄭楚衡，左一為工程師達仁，二人推出《香港起飛》一書，講述創造香港首架自行裝嵌及註冊飛機嘅經歷。（鍾林枝攝）

【明報專訊】香港書展2017喺星期三(19日)揭幕，有「神奇小子」之稱嘅香港桌球手傅家俊於今年書展推出自傳《147人生》，回顧20年嚟嘅球手生涯；另外，「小黃鴨之父」、香港玩具大王林亮都有出書，並由太太執筆，講述林亮嘅創業史。

傅家俊噚日出席出版社嘅新書介紹會時話，一直都好希望出書分享經歷，而今年剛好係佢出道20年，「係個好時候可以做個小小嘅回顧」，佢花咗半年籌備，又好謙虛咁話自己唔係好叻，「但累積咗好多經驗，想分享點樣喺遇到低潮時企番起身」，希望可以藉呢本書鼓勵年輕人要有勇氣追求夢想，亦唔好睇小自己。佢呢本書仲獲亨特利同奧蘇利雲寫序𠻹。

小黃鴨之父 從「三無」講起

當年推出黃色塑膠鴨公仔嘅香港工業家林亮，喺今年書展都會講吓自己嘅故事，而佢本《香港玩具人——林亮》就由太太戚小彬執筆。林亮話，呢本書記錄嘅唔止係佢自己嘅故事，而係香港人喺獅子山下奮鬥嘅經歷，而佢自己從前係個「三無」，即「無錢、無生產技術、無從商經驗」，都係慢慢打工再創業，希望藉呢本書分享多年感受之餘，都可以畀大家了解更多香港工業嘅發展。

更多港聞

500學生入營軍訓 淋雨聽分享

【明報專訊】近年暑假，都有唔少學生參加軍訓營，噚日係解放軍駐港部隊等主辦嘅青少年軍事夏令營開營禮，有近500個中學生參加，人數同上年差唔多。... 詳情

DQ長毛「重返」議會

【明報專訊】4名民主派羅冠聰、梁國雄（長毛）、劉小麗及姚松炎被法院裁定因宣誓無效，喪失議員資格，立法會秘書處已立即執行法庭判決，禁止佢哋入立... 詳情