樹仁創校45周年 胡鴻烈獲頒終身成就獎

政務司長張建宗（左）代表樹仁大學校董會，向大學創辦人胡鴻烈校監（右）頒授「終身成就獎」。（李紹昌攝）

【明報專訊】樹仁大學係香港第一間私立大學，創校至今已經45周年。樹仁大學噚日舉行45周年校慶酒會暨研究院綜合大樓開幕典禮，請咗政務司長張建宗擔任典禮嘅主禮嘉賓。張建宗亦代表樹仁大學校董會向創辦人胡鴻烈校監頒授「終身成就獎」，感謝佢過去多年為樹仁發展盡心盡力，作育英才。

張建宗致辭嗰陣好識做，大讚樹仁，話噚日係三喜臨門大日子，第一喜係慶45周年；第二喜係綜合大樓落成；第三喜梗係胡鴻烈攞到「終身成就獎」。

張建宗：難忘兩老為樹仁抵押物業

張建宗話，佢早年做教育統籌局副局長，已經同胡鴻烈以及已故嘅鍾期榮校長建立好深嘅感情，佢話印象最深係胡鴻烈同鍾期榮兩老將自己嘅物業抵押嚟支援學校興建同運作，無私奉獻，極之偉大，攞到「終身成就獎」係實至名歸。

至於新落成嘅研究院綜合大樓，採用雙幢式設計，由高低兩座同裙樓組成，提供500個宿位，同埋演講廳、自修室、咖啡座等新設施。

更多港聞

王迪詩：站珠寶店櫥窗外遭喝斥店方：深感抱歉

【明報專訊】作家王迪詩喺facebook發帖，講番之前喺中環一間商場嘅珠寶店門外遇到無禮對待，佢話企喺店外面回覆短訊，畀店員話佢「遮住櫥窗」... 詳情

疑游水中招 鍾國斌印度行水土不服

【明報專訊】自由黨黨魁鍾國斌（Felix）早兩星期拜訪過印度領事同印度商會，對方就安排佢去印度考察，睇下有無經濟合作機會，點知Felix去到... 詳情

「大嘥鬼」撐《巴黎協定》

【明報專訊】全球暖化危機迫在眉睫，195個國家前年簽署《巴黎協定》，齊心對抗氣候變化，但美國總統特朗普正式宣布退出協定，歐洲多國領袖都齊聲批... 詳情

「五重奏」慶回歸

【明報專訊】為慶祝香港特別行政區成立20周年，長江集團舉辦「20 x 20 Jam Party」活動，噚日起喺港九新界唔同商場巡迴開演奏會，... 詳情