郭炳江全家旅行睇北極光 郭基煇：飲杯熱朱已好開心
[2017.01.11] 發表
【明報專訊】新地前聯席主席郭炳江繫獄兩年，今年7月獲准保釋等候上訴，曾經講過體會到要珍惜嘅佢，剛過去嘅聖誕假就同屋企人去咗芬蘭睇北極光。
兩年過節欲探監 父鼓勵出外玩
佢嘅囝囝新地執董郭基煇話，今次係3年嚟首次家庭旅行，因為芬蘭晏晝兩點就天黑，一家人無乜特別嘢做，就坐低飲杯熱朱古力、傾吓偈，已經好開心、好感恩。
佢話過去兩年過時過節都想探爸爸，反而係爸爸話唔使掛住佢，鼓勵佢去玩，佢當然聽話啦，仲寄旅行相同爸爸分享。
去年籌860萬 11兒童機構受惠
另外，新地公益垂直跑——勇闖香港ICC、新地冠名贊助嘅香港單車節，連同新地額外捐助，舊年籌到860萬元，最少11個社福機構攞到資助，主力幫助基層兒童。
例如社聯、公教婚姻輔導會、浸信會愛群社會服務處同香港家庭福利會合作嘅「雨後彩虹」計劃，支援18歲以下、過去一年曾經面對父母離世、離異、家暴等家庭危機嘅青少年及兒童，幫助佢哋抒發情緒。
小童群益會就由舊年7月開始，幫助75個資優基層兒童發展潛能；新一年又會開展提高基層家長同兒童健康意識嘅「識息天使」計劃。
9歲嘅俊希係資優計劃受助對象，俊希媽咪話，俊希喺學校經常因為尋根究柢，被誤解唔尊重或者挑戰老師，試過返屋企係咁喊，又唔願返學，令媽咪好擔心。
參加計劃後，俊希有機會接觸機械模型，次次都最快砌好，導師讚佢叻仔，應承等佢大個請佢做工程師，令俊希自信心返晒嚟，變得願意學習，尤其數學科，媽咪終於放心晒。
更多港聞
【明報專訊】今個冬天忽冷忽熱，有時更超過20℃，Emily近排都見有市民著短袖衫出街。
天文台預測，天氣未來數日會再稍為轉冷，星期五（...
詳情
【明報專訊】繼早前為快餐店收銀員爭取椅子供休息後，行為藝術家程展緯最近發現，有「唐記」包點店前線員工每日工作9小時，但只有15分鐘午膳時間，...
詳情
受聘做行政 朝七晚九留校 夜夜伴苦讀 退休教師身教刻苦
【明報專訊】中學一般在下月舉行文憑試模擬試，有學校鼓勵學生堅毅應試之餘，亦在學生留校溫習期間派發茶葉蛋及湯水，有學校則開放至晚上9時供學生溫... 詳情
【明報專訊】現時約一成中學初中中史納入人文科或與世界歷史合併，教育局近日明言希望有關學校在該些科目以中史為主軸，形容做法類近以中史獨立成科。...
詳情
相關新聞
