劉鳴煒﹕理想香港唔會出現
[2016.10.25] 發表
【明報專訊】新民黨青年委員會喺剛過去嘅周末邀請青年事務委員會主席劉鳴煒(圖)出席座談會，目前社會吵吵鬧鬧，唔知大家心目中理想嘅香港係點嘅呢？劉鳴煒就不太樂觀，直言理想、和諧嘅香港，根本唔會出現。
劉鳴煒話，佢心目中理想嘅香港係會妥協，但佢形容香港同美國好似，社會好分化，好似對貧富懸殊嘅價值觀就好唔同，佢覺得要處理兩極化嘅社會係需要妥協，無論係咪意見過半數嘅一方，都要尊重另一方嘅感受、去妥協，先有機會解決社會爭議，但佢就覺得香港唔係一個妥協社會。
對於中國人身分認同問題，劉鳴煒就話部分青年抗拒內地及抗拒認同自己係中國人嘅問題存在，而回歸以來一國兩制雖然好成功，但亦有好多矛盾，佢認為如果當初可及早處理，加強青年對中國人嘅身分認同，呢種矛盾未必會好似今日咁樣。
青年「上樓」問題非港獨有
講到青年問題，住屋係關鍵，劉鳴煒話年輕人難以「上樓」唔係香港獨有問題，倫敦、紐約、瑞典等地樓價都非常高，但呢啲城市比較大，市民可以選擇到離市區更遠嘅地方置業；但香港細，土地有限，佢話需要社會多方面努力先可以解決土地供應問題，但就無講具體方法喇。
更多港聞
今屆選舉僅跌十幾磅 腰圍52吋 張華峯唔敢做體檢
【明報專訊】經民聯張華峯（肥老闆）作為立法會「最有分量」嘅議員，體重264磅、腰圍52吋。不過佢就話，最高峰時期高達280磅，但每次經歷立法... 詳情
回憶掌教統局 自覺有改革責任 李國章曾被轟「要校長做乞兒」
【明報專訊】港大校委會主席李國章最近接受曾鈺成訪問時，大談當年出任教育統籌局長嘅過程，佢話當年自覺有改革香港教育發展嘅責任，所以「無法子唔接... 詳情
小學飯後不教書 砌模型學科學 紙杯機械人 小二生最愛
【明報專訊】五邑鄒振猷學校本學年全面落實午飯後不上學術課，改上STEM（科學、科技、工程、數學）、 跨課程主題學習活動（為Humanitie... 詳情
相關新聞
