【明報專訊】亞視停播時間每天每小時都在變，究竟幾時熄機，Emily同埋好多行家都覺得好頭痕，但原來警隊呢幾日都有𥄫實亞視幾時熄機。無他，原來《警訊》近期都編排咗喺亞視播放，例如原定噚晚7點播放一集講打擊洗黑錢。Emily聽講，警隊中人噚日晏晝都唔知亞記會唔會熄機，決定喺約6點以 【警訊永恒】呢個tag，將該集放咗喺警隊facebook，等巿民可以睇到。最終亞視黃昏6點無熄到機，呢集警訊7點順利播出。

其實，《警訊》定時喺無綫同亞視播放，每喺一個台播完10幾集，便會放到另一台播，呢期湊巧喺亞視播，至於剩低喺亞視播嘅《警訊》點算？Emily聽講警方都係好似巿民咁，觀望多陣再處理。