拍過兩次政改宣傳片 林鄭：無乜好下場

[2016.01.30] 發表

【明報專訊】政務司長林鄭月娥同食物及衛生局長高永文噚日出席「好心情@HK行動」開幕禮，宣傳關注精神健康。林鄭睇完高永文拍嘅宣傳片後，話自己都拍過兩次政改宣傳片，但拍完後「無乜好嘅下場」。其實Emily好想問「好打得」嘅林鄭點樣逆境自強，不過活動一完佢就急急腳走咗。

相反高永文喺台上講點樣保持好心情，佢話早排出席跑步活動仆親，搞到變咗「花面貓」，曾經因為咁而想「收埋自己」，但喺身邊人鼓勵之下終於成功面對。Emily見高局長個鼻同眼角位仲有啲紅，關心問候下佢啲疤幾時會好番，佢就話可能要幾個禮拜疤痕先會消退。

更多港聞

【明報專訊】傳統菲林影樓善美影室之前因為業主唔肯續租，原本要喺下個月初搬走，老闆林國盛及阿仔好努力咁搵新舖，亦多次同業主傾下有冇得通融，繼續... 詳情

【明報專訊】英皇書院、皇仁書院噚日分別舉行頒獎典禮、開放日，都請咗著名校友返去做嘉賓，特首梁振英就返咗母校英皇書院90周年頒獎典禮（圖1），... 詳情