區選前夕 保普選聯搞反佔中周年圖展

是次圖片展主題為「毋忘佔中禍害 慎防動亂再來」。左起﹕大聯盟執委洪為民、王惠貞、黃均瑜。（李紹昌攝）

【明報專訊】佔領運動9．28一周年過咗個月，正當唔少人忙於11月22日區議會選舉備戰時，「保普選反暴力大聯盟」噚日就宣布大搞佔中一周年回顧行動。佢哋將於今個禮拜六一連3個周末，即區選日前夕，喺港九新界辦反佔中一周年圖片展，話要提醒港人保持警覺，和平非必然。

黃均瑜話無關區選

佢哋呢個時間安排難免令人好奇，大聯盟係咪特別為咗配合區選唱衰泛民。不過，大聯盟話去年11月成功收集183萬市民簽名，可謂反佔中高潮，所以今年特登揀番11月做圖片展。

執委之一、教聯會會長黃均瑜話，圖片展同區選完全無關係，仲話挑選相片時，已特別避開報名參加區選嘅候選人。

與「六七」相提並論

大聯盟另一執委王惠貞就喺開場發言時，將佔領運動同「六七暴動」相提並論，話佔領係香港開埠以來「繼六七暴動之外一個好大嘅動亂」，批評示威者多次挑釁警方，製造「流血衝突」。

王惠貞公然將左派口中嘅「反英抗暴」運動，與「動亂」講埋一齊，咁大聯盟又會唔會為當年六七暴動舉辦圖片展，等大家明白和平並非必然呢？王惠貞聽到呢啲問題只係回應「無呢方面意思」，仲一時講錯話圖片展活動「同『六四』無關係」。

反佔中周年圖展

http://code.mingpao.com?1820

更多港聞

律師會開P廣告嚇親同行

【明報專訊】「法律超人」嘅造型曾經被律師會嚴厲批評，但其實律師未必咁嚴肅嘅，好似律師會最新一期會訊《香港律師》，就刊出律師會一個好破格嘅廣告... 詳情

報錯反對十號幹線 TVB向民主黨道歉

【明報專訊】上星期五有船撞到汲水門大橋，搞到要封橋檢查，令大嶼山變「孤島」，無綫（TVB）第二日就有個報道，話2002年時政府曾經提出興建北... 詳情

施政報告諮詢 公民黨拒見CY

【明報專訊】特首梁振英（CY）日前展開任內第四次《施政報告》諮詢，各政黨陸續收到佢嘅邀約會面，希望大家就施政報告提供意見。不過，公民黨噚日率... 詳情

候選人遲申請 新社聯logo無得補印

【明報專訊】下月就係區議會選舉，最近候選人開始檢視屆時投票用嘅選票資料。Emily聽聞有部分獲新界社團聯會（新社聯）支持嘅候選人，因為之前無... 詳情

器官捐贈卡 曾主席一早簽咗

【明報專訊】早前有年輕女病人因得唔到合適嘅肺捐贈而去世，引起公眾討論香港嘅器官捐贈制度。民建聯立法會議員葛珮帆（EQ）噚日喺黨團會議，呼籲黨... 詳情