樂視宣布9月有31日 未講英超收費 球迷火滾

樂視噚日喺3日內第二度開記者會，仲未講英超收幾錢，但就畀咗個驚喜大家，宣布明年「9月31日」訂樂視，可以免費睇4K高清，搞到網民大笑。（邱雅錡攝）

【明報專訊】嚟自大陸嘅網絡電視樂視攞到英超獨家播映權，喺3日之內開咗兩次記者會，真係驚喜連連，除咗講極都講唔到英超收幾錢，噚日個記者會仲宣布2016年9月31號訂購有優惠，搞到網民大笑樂視「派膠」，仲有人話會等2月30號至「join」樂視。

聲控電視只辨普通話

樂視斬件式公布令坊間資訊錯漏百出，星期二嘅兩個半鐘頭記者會，又話無同第三方達成合作方案，搞到now TV有無得播成為羅生門。咁到噚日記者會，講咗成4個鐘，一度話月費99蚊，但最初無講清楚包唔包英超，又搞到有人以為包埋。

噚日除咗公布明年9月30號前(呢個至真！)訂樂視有優惠，仲公布會推聲控電視機，好勁㗎，係可以用把口叫電視機開機，又可以聲控揀節目，仲可以打電話。Emily見現場即席示範係講普通話，八卦問樂視講廣東話得唔得，點知原來個電視淨係識聽普通話！

網友官方fb留言發炮

樂視講來講去，都講唔到球迷嘅核心關注，網友Billy Lam噚日就喺樂視嘅官方fb留言﹕「唔好講咁多廢話啦，直接講幾錢，有咩plan。仲話貼近香港人，香港人唔鍾意人賣關子，淨係需要結果、答案㗎！」

更多港聞

張寶華中大講書 教開page鬥多like

【明報專訊】前主播張寶華今個學期會到中文大學新聞及傳播學院做講師，第一日返學就喺facebook同大家分享「為人師表」嘅心情，又話「變幻才是... 詳情

蒙面「廿蚊張」亮相《頭條》

【明報專訊】歌手李克勤、梁詠琪參加內地節目《蒙面歌王》引起唔少討論，港台節目《頭條新聞》今晚回歸，首集亦有帶住20蚊面具嘅蒙面議員，仲喺節目... 詳情

卿姐叫林健鋒傳話 叫梁君彥聽泛民會議意見

【明報專訊】立法會仲未復會，建制派已同泛民就各事務委員會正、副主席針鋒相對。經民聯副主席林健鋒（Jeffrey）噚日出席民主黨主席劉慧卿嘅網... 詳情

iPhone 6s 今開售有燶味

【明報專訊】果迷等咗咁耐，iPhone 6s同6s plus今日終於開售喇！手機回收價會係大家嘅焦點之一，網上已經瘋傳一系列回收價預測，雖然... 詳情

地球之友孖中大收膠樽

【明報專訊】全港都識「藍廢紙、黃鋁罐、啡膠樽」，當大家做垃圾分類嘅時候，總覺得自己為環保又出咗一分力！但原來本港有九成回收商都唔收膠，因為一... 詳情