警防騙短訊令市民「恐慌」
[2015.09.05] 發表
【明報專訊】噚日Emily好多朋友上載一張手機短訊截圖，話收到自稱警方送出嘅短訊(圖)，叫大家提防電話騙案，但係發送者名為「HK Police」，又無聯絡電話顯示，搞到全部人都有同一個疑問：短訊係咪真係警方send㗎？又係電話騙案呀？一時間搞到人人恐慌，怕自己畀騙徒睇中，或者電話畀人入侵咗。
無顯示電話 警：視乎電訊商
Emily問警方，警方就證實個短訊的確係佢哋嘅最新宣傳，會陸續經電訊服務商發放畀大家，希望更直接同廣泛咁傳遞防騙信息。至於有啲市民話，個短訊無顯示發送者電話號碼，警方就話要視乎各個電訊商嘅做法。
今次事件惹來大家咁大反應，可能係都受呢排咁多電話騙案出現影響，正面啲睇，至少大家已訓練到如此小心，都係好事呀。
更多港聞
【明報專訊】賽馬會上月起把六合彩攪珠及賽馬嘅直播權交畀無綫電視J2台播出，但係下周二（8日）J2將播放世界盃外圍賽香港對卡塔爾嘅賽事，六合彩...
詳情
相關新聞
