【明報專訊】「領匯」啱啱改名做「領展」，話咁快又有新搞作。嚟緊9月3至20日，會推出兩架美食車，一架糖果美食車會穿梭唔同旺區，送糖畀市民，另一架「都甩」美食車就會駐守商場，另外，佢哋仲會喺旗下5個商場搞個貨櫃美食派對。 5商場搞貨櫃美食派對 該5個商場包括領展旗下嘅樂富、天瑞、H.A.N.D.S、赤柱同啓田，到時只要畀20蚊，就可以嘗一款特色小食，包括白兔造型嘅蝦餃、櫻花啫喱、眼仔睩睩嘅「都甩」等。呢啲攤位全部都由貨櫃改造，由本地插畫師分別畫上代表唔同關係嘅卡通，例如鄰居、朋友同祖孫等。領展話，想藉住呢個活動推廣人際關係同連繫社區。
|
| |
| |
;){kind=small}
