【明報專訊】特首梁振英(CY)不時放假同家人去玩，但去邊通常唔多講，而佢噚日就喺網誌透露行蹤，話自己今次去咗歐洲休假，最後一站係英國，稍後啟程返港。 CY話，佢前日(8月3日)專程從倫敦坐兩個鐘頭火車到布里斯托(Bristol)，重遊40年前嘅舊地。 坐火車去布里斯托 現年60歲嘅CY早年喺理工學院畢業後，1974至1977年去咗英國布里斯托理工學院留學。CY話佢喺當地有太多故人舊事，包括住過嘅屋，周圍名為Fishponds(魚塘)嘅小社區，仲有鄰居Mrs Houlden，以及佢做過part-time嘅中餐兼炸魚薯條外賣店(華僑通稱薯仔舖)嘅老闆李先生。 CY話畢業後返番當地3次，呢次算係較仔細尋找往日嘅足迹喎。佢話Mrs Houlden因病走了，李老闆將4個仔女撫養成才之後，店舖賣咗，仔女留喺英國，李老闆就喺香港同大陸兩邊住。
|
| |
| |
;){kind=small}
