反政改特刊《袋條毛》派街坊
[2015.06.12] 發表
【明報專訊】政改嘅宣傳戰進入白熱化階段，民主黨噚日就推出咗本《袋條毛》特刊，用漫畫等得意手法解釋點解要否決政改方案，除咗個名同字體似「100毛」，仲大玩無綫劇《大時代》嘅概念，個場景似丁蟹將啲仔掟落街嗰幕。不過丁蟹個角色變咗漫畫版劉夢熊，而劉夢熊抱住嘅係特首梁振英。Emily問過民主黨創意媒體部長黎敬瑋，佢解釋封面構思，話劉夢熊之前講過支持錯咗CY，仲話會爆CY大鑊，所以大家都等緊佢爆啲堅料出嚟。
特刊內容包括玩6個「2017疑似候選人」，裏面有漫畫版嘅梁振英、葉劉淑儀、梁錦松、范徐麗泰、李國章同田北俊，仲幫佢哋每個人設計咗絕技，好似CY絕技係「指鹿為馬」、「過橋抽板」，李國章嘅絕技竟然係「叫我校長」，范太就有招「不甘寂寞」，都幾搞鬼。
黎敬瑋話，上次《選條毛》特刊印咗3版，派咗差唔多10萬份，所以今次《袋條毛》第一版已經印8萬份，噚日開始喺香港各區街站免費派發。
更多港聞
【明報專訊】《魔雪奇緣》令迪士尼大賺，Emily噚日率先去左迪士尼新開嘅《魔雪奇緣》冰雪小鎮，小鎮開放日期由6月11號到8月31號。
...
詳情
【明報專訊】廣東社團總會主席、全國政協常委陳永棋噚日開記招講政改民調結果，言談間爆自己早排入咗醫院18日。棋哥話，之前著短褲去打高爾夫球，點...
詳情
【明報專訊】中文大學校長沈祖堯昨發表網誌，指年輕人看到認為「不公義」的事時，有時候急着把世界接過來管理，但他們必須學習以不同觀點思考；到由他...
詳情
【明報專訊】教聯會早前調查發現，近七成教師認為應保留中、英、數3個核心科目，通識科則由必修改為選修，令學生選修增至3科或以上（現時入大學門檻...
詳情
相關新聞
