【明報專訊】今年度嘅亞洲出版業協會(SOPA)「2015年度卓越新聞獎」噚日舉行頒獎禮，《明報》都大豐收，拎咗三個大獎兩個優異獎，其中佔領事件系列報道，獲得卓越人權報道大獎，港聞跨部組包括一般組、政治組、突發組、偵查組等同事一齊合作，點辛苦都係值得嘅。偵查組嘅「權貴BVI離岸公司與利益衝突調查系列」，獲得卓越調查報道新聞大獎，不負偵查組之名。

幫《明報》畫新聞漫畫嘅尊子，以「威脅新聞自由系列」嘅畫作，得到卓越漫畫獎優異獎。攝影記者同事都有好成績，李澤彤憑「警施催淚彈」獲得卓越新聞攝影大獎，盧翊銘嘅「施襲遭制服」獲得卓越新聞攝影優異獎。呢啲獎項，再次證明記者難免要「犯險」，走到新聞最前線，仲要臨危不亂，先至可以幫讀者帶來優質報道。