【明報專訊】「孝蟹」邵仲衡聯同「男神」王宗堯、江若琳昨日到西九海濱長廊參與戶外障礙賽，身高6呎2的邵仲衡表示早年到內地做生意體重升至200磅，返港發展後勤做運動已回落到190磅，但會避免過度減肥影響身體負荷能力，他說﹕「我又接了一個廣告、舞台劇、電影和劇集工作，日日要找數做兩、三單。」因重播《大時代》而人氣飛升的邵仲衡可謂豬籠入水。

無綫重播《大時代》反應佳，劇中演孝蟹的邵仲衡覺得部分片段被剪掉非常可惜，他說﹕「我希望收費台播足本，原本劇情講掟方家兩姊妹落街，但鏡頭一轉就見我哋坐在山頂喊，剪到好核突，感覺削弱了。如果是尺度問題，開場時5蟹跳樓都不播啦！ 」有指5蟹會合體出席活動？他說﹕「未聽到，若真的話，我一定到。」對於歐陽震華不獲無綫續約鬧風波？邵仲衡稱﹕「不可說無綫無人情味，老闆不會想伙記不開心，可能是中間有誤解。」

王宗堯負腳傷上陣，談到所屬的中國3D數碼娛樂與專捧?模的環球狂熱文化(GME)合併，他表示早知這件事，但跟最初了解的合作性質不同。

王宗堯做「大仔」要保護「家人」

王宗堯說﹕「公司發展那麼好，點解連個名都改？」他又表明要維護一班舊同事﹕「班同事過去一年接到好多工作，合作完善、有默契，相信新公司加入不影響到，若影響到我會反映，公司是團結家庭，現在好似有第三者來破壞，作為『大仔』心態會保護家人，我會同『爸爸』蕭定一講，下星期會返公司開會。」

提到新公司加入，可望助藝人發展？王宗堯反問﹕「例如呢？返內地發展關乎藝人的人氣，相信大師兄張智霖、鄭欣宜和張建聲等都有一定的內地市場，我就專注香港市場。」

江若琳掙錢打官司﹕每蚊都有血汗

江若琳密密在內地拍戲搵銀，掙到錢用來應付跟寰宇老闆林小明的合約糾紛，她直言目前已花了7位數律師費。問到官司何時完結？她說﹕「未知，仍然處理中。」

提到花錢打官司，經濟有否出問題？她說：「多謝關心，我好知足，食飯盒都夠飽，現在掙每一蚊都有血汗。」

記者﹕鍾一虹

■更多娛樂猛料 ﹕ol.mingpao.com