劍橋事件感心噏 促修改安老院例

劍橋事件感心噏促修改安老院例

[2015.06.07] 發表

【明報專訊】本報早前揭發大埔劍橋護老院涉把長者脫光露天等洗澡，曾任社署署長的黃錢其濂說對事件感「心噏」，認為政府監管責無旁貸，而面對人口老化，當局必須加快步伐檢視現有政策。

政府推動安老政策多年，黃太認為仍發生大埔劍橋事件「很可惜」，「睇電視覺得窒一窒，乜老人家係咁冲涼。係尊嚴問題，我喺醫院都覺得自己冇尊嚴，乜嘢都要人服侍，畀人睇到真面目」。

她認為今次事件無疑是院舍人手出問題，「(職員)有苦處先要集體冲涼，但係咪完全係安老院的錯？我的經驗係，我哋需要安老院，我哋需要栽培人手去服務」，認為政府於監管私院質素及培訓人才方面責無旁貸。

任社署署長一周數次突擊探訪

她憶述當年任社署署長時，會一周數次突擊探訪安老院，港督間中亦同行，「官車有用，唔係畀你去享受」。到訪老人院，「邊間一星期唔冲涼，一聞就知，即使走馬看花，總好過冇」。

盼政府培訓人才「從心敬老」

黃太於1993年11月在立法局動議《安老院條例草案》，翌年暑假退休，法案在1994年10月由下任衛生福利司霍羅兆貞負責下三讀通過。條例生效逾20年，她認為事件反映條例要修改，但按其過往經驗，不主張單以處罰方式規管有心經營私院的營運者，「唔係要找錯處，要諗我可以點幫你」，故當年她在任時推行買位計劃提升私院質素。她亦認為規管指引不可以「離地」，「行錯一步就釘牌，私院邊有人做？全部釘晒牌，老人家去邊？」面對本港地價及租金高昂，政府要協助私院提升質素，增加院舍宿位供應「脫離不到錢」，但她同時期望政府能注重培訓「軟件」，包括職員對待長者的態度，「要從心出發敬老」。