吳綺莉自我檢討﹕其實卓林好惜我

[2015.04.30] 發表

【明報專訊】吳綺莉15歲女兒吳卓林早前已搬回家，豈料上周卓林再度離家出走，一度被發現出沒南丫島。吳綺莉昨日返電台做節目，談到女兒的去向，她說﹕「在出面，社工安排了！」卓林何時回家？她指大家都需要休息一會，最緊要女兒開心，自己作為家長眼前最重要先跟學校聯繫﹕「其實個女幾時都見到，社工無講過不准我見，我覺得需要先跟學校有了好好溝通，多謝法律界朋友幫手。」

談到卓林第二度離家因由，吳綺莉說﹕「其實是我講錯說話，上次報警事件，我要求學校可以解釋，我覺得點解學校由頭到尾都無同我傾過偈，變成小朋友夾在中間好難做，有壓力，現在我覺得要盡量同學校協調。」

講錯說話令卓林第二度離家

她又指女兒的情緒來自擔心媽咪：「我自己要檢討，其實個女好惜我，覺得媽咪情緒不好，同學校傾，就給了這個提議她，中西想法不同，大家尺度不一樣，等於美國可以買槍，但香港唔得。當時我有不對，埋怨學校何解不跟我傾偈，所以有第二次事發生。她之前講過不想媽咪擔心，這樣我好感動，是溝通上有問題，我見她沒異樣就以為無事，無想到搞大，所以要汲取教訓。」

記者﹕鍾一虹

攝影﹕梁迺楠

■更多娛樂猛料 ﹕ol.mingpao.com