【明報專訊】今屆政府除咗特首梁振英外，多名司局長亦鍾意做「鍵盤戰士」，閒時寫吓網誌講時政，財政司長曾俊華、民政事務局長曾德成、發展局長陳茂波、勞工及福利局長張建宗通常星期日都會寫吓文，噚日連財經事務及庫務局長陳家強都加入戰團，寫佢第一篇網誌，講吓對金融改革嘅意見，連埋特首梁振英，噚日單日問責官員已經有6篇網誌，似乎梁班子都好enjoy單向發放信息喎。 向來甚少評論政治嘅曾德成，早前去過南非旅遊，而佢噚日網誌就講最近接待一名愛爾蘭官員，同對方講南非已故領袖曼德拉， 佢話曼德拉當選總統後無耐，公開擺出「全力支持北愛和平進程」姿態等。 曾德成引曼德拉談妥協 德成局長引述，有人回憶起曼德拉講過「對朋友是不必和解的，正是對敵人才須要和解」，又話曼德拉重視妥協，認為「你若不準備妥協，就不要去談判，想也不要想」，唔知德成局長喺政改方案出爐前夕引述呢番話，係咪想比喻民主派同中央嘅談判同叫人妥協呢？
|
| |
| |
