特首答問會拉篋？ 毛孟靜：考慮
[2015.03.25] 發表
【明報專訊】特首梁振英(CY)前幾日喺一個閉門聚會點名話公民黨毛孟靜係帶頭「拉篋」反對內地旅客嘅「始作俑者」，不過就無乜與會者提到CY喺席間有提及一直主打本土議題、新民主同盟范國威個名。呢對「香港本土」立法會議員噚日就一齊開記招，批評CY抹黑本土，仲即場示範當日拉篋做「行為藝術」嘅情况。至於聽日特首答問大會，佢哋又會否拉篋迎接CY？毛孟靜就賣關子，話「考慮中」。
毛孟靜批評，CY講到佢好似係反水貨客嘅「女王」咁，但佢就批評CY當日指控有誤，事關佢哋當日喺尖沙嘴五支旗杆下做「行為藝術」，而佢哋亦無話唔歡迎遊客。毛孟靜仲特意補充，當日拉篋建議喺由范國威提出，對方先係「真正嘅始作俑者」。
更多港聞
相關新聞
