謝偉俊一定唔入自由黨
被胡漢清嚇怕？
[2015.02.27] 發表
【明報專訊】自由黨早排力邀立法會議員林大輝同謝偉俊(Paul)入黨，但拖拖拉拉咁耐都未成事，反而就成功邀請咗資深大律師、全國政協委員胡漢清入黨，自由黨今日會召開記者會，公布喜訊。不過胡漢清花邊新聞唔少，成日現身娛樂版，大家對佢都有唔同睇法，噚日阿Paul就同Emily講，胡漢清加入自由黨，咁佢就一定唔會加入！
話阿媽同老婆唔可以得罪
阿Paul話佢有朋友同佢講，呢個世界有兩類人唔可以得罪，就係阿媽同老婆！佢哋永遠「是對的」，但似乎胡大狀同呢兩個人關係都唔多好喎。不過，有自由黨中人同Emily講，其實Paul本身都唔會入自由黨，相信對方係乘機表態，笑住話相信胡大狀入黨或者會嚇怕女士加入，但相信男士入黨機會就大咗。
自由黨人：謝乘機表態
而自由黨嘅女士們，噚日都唔多願意回應呢件事，話說自由黨噚日開記者會講黨員兩會關注項目，但就無提到胡漢清。自由黨榮譽主席劉健儀同周梁淑怡都話，對胡漢清入黨冇回應，周太解釋，自己啱啱去完旅行返香港，所以仲未見過胡漢清。
更多港聞
相關新聞
