劉皇發視察元朗「防佔中」

[2014.10.04] 發表

【明報專訊】佔中行動過去一星期主要喺港九「佔領」，不過，鄉議局主席劉皇發就話，曾經有佔中人士意圖佔領元朗千色廣場一帶，所以噚日專登到場視察。發叔仲話，聽到有商戶講，佔中期間生意額下跌兩成，元朗居民擔心佔中行動會喺元朗發生。

不過，Emily噚日所見，元朗好平靜，發叔就話，如果真係有人佔領元朗，佢會同佔領者講道理。同場嘅十八鄉鄉委會主席梁福元噚日亦有到場，佢就話元朗係安享和平嘅地方，學生有訴求會包容，但希望唔好影響市民生活。

喺發叔視察期間，女街坊胡小姐突然衝出嚟，話要求發叔支持警方嚴厲執法，而鄉議局應?家就即刻起行，一齊去出聲。發叔當然無跟佢去，只係話，「我哋會做㗎喇！」當Emily問發叔，有無因為佔中影響生意同地價，佢就笑笑口話，「我嗰啲生意仔嚟啫」，又話自己係長遠投資，唔擔心短期有影響。

團體派藍絲帶稱保衛元朗中環

全港飲食大聯盟永遠榮譽會長黃四川噚日亦同會員一齊去元朗派藍絲帶，話代表要保衛元朗、保衛中環。

更多港聞