名人齊貼學生相撐罷課

剛剃頭爭取普選嘅陳淑莊上載咗孖辮學生相。（網上圖片）

何韻詩將24年前嘅學生相上載社交網站。（facebook圖片）

少年黃耀明。（網上圖片）

【明報專訊】學聯噚日起一連5日發動大專生罷課，網上亦有人參與「一人一相撐學生」行動聲援，獲唔少名人支持，包括藝人何韻詩、明哥黃耀明、公民黨副主席陳淑莊，同埋學民思潮召集人黃之鋒，佢哋紛紛喺社交網站上載陳年學生相。

剛升上公開大學嘅黃之鋒上載facebook嘅學生相，個樣冇咩唔同。陳淑莊就貼咗張紮孖辮嘅學生相，話估唔到做咗「中女」，學生變咗佢最好嘅老師，教曉佢唔係要以「有無用」決定行唔行動，而係靠行動帶來希望。

明哥就借用上周六喺倫敦睇嘅一套音樂劇，提醒社會「莫欺少年窮」。何韻詩就上載喺加拿大讀書時嘅學生證，當年只得13、14歲，佢話「原來當年信念已現雛形」。

港生澳洲9院校派黃絲帶

有喺海外升學嘅港生都心繫香港。一批澳洲留學生噚日喺悉尼大學、澳洲國立大學、墨爾本大學等9所院校派發黃絲帶，聲援罷課行動，並發起聯署，指自己雖然人在海外，但心繫我城，身為土生土長香港人，唔能夠獨善其身，要求中央政府立即撤回政改框架嘅決議及取消小圈子篩選。

至於部分身在美國同加拿大嘅高中、大專及研究院學生，上周亦喺網上發起聯署，批評政改與民意對立，至今收到過百名留學生簽名支持。

更多港聞

中央重申澳人治澳高度自治

【明報專訊】國務院總理李克強噚日向剛連任澳門特首嘅崔世安，頒發任命特首嘅國務院令，李克強話希望崔世安領導新一屆特區政府積極進取，勇於擔當，認... 詳情

荃灣葵青研納跨境網 校長會震驚

【明報專訊】小一自行分配學位昨首天接受申請，北區小學學位繼續「爭崩頭」，有校長透露，教育局月初曾與北區小學校長會探討，葵青、荃灣等區的小學也... 詳情

雙非九龍城買樓博入喇沙

【明報專訊】昨天不少家長一早到傳統名校喇沙小學遞交小一入學申請表，據記者粗略估計，首兩小時約40名交表者中，約四分之一操普通話。 有雙... 詳情

教聯會促檢討代課津貼

【明報專訊】遇上教師告假3天或以上，資助中小學要聘請代課教師，教育局在2005學年起為學校提供「整合代課教師津貼」聘請代課教師，取代實報實銷... 詳情

時事通識教材

【明報專訊】（請看附圖） 詳情