【Emily】立會大樓掛巨「立」 燈會變色象徵多元
[2025.04.26] 發表
【明報專訊】立法會綜合大樓擴建工程陸續完工，面向添美道嘅主入口噚日掛上一個巨型「立」字(左圖)，闊3米，高2.8米，重100公斤，仲設有燈光系統，可以轉換燈光顏色，立法會主席梁君彥話係象徵立法會發光發亮，多元兼容，下個月8日會邀請特首及司長等官員出席亮燈儀式。梁君彥又話，掛上「立」字代表大樓擴建嘅主體工程即將竣工，喺金鐘政府合署辦公嘅秘書處職員預計下個月可搬返大樓，到時秘書處全部職員都可以「同一屋簷下」做嘢喇。梁君彥期望所有擴建工程今年10月前完成。右圖左起：立法會副秘書長黃少健、梁君彥、立法會秘書長衛碧瑤。
(梁君彥fb)
更多港聞
【明報專訊】早前本報報道政府將再度委任市建局董事會主席周松崗「再坐一會」，噚日政府正式公布，快做滿6年任期嘅周松崗獲延任兩年，由今年5月1日...
詳情
相關新聞
