【Emily】周松崗三度獲委市建局主席
[2025.04.26] 發表
【明報專訊】早前本報報道政府將再度委任市建局董事會主席周松崗「再坐一會」，噚日政府正式公布，快做滿6年任期嘅周松崗獲延任兩年，由今年5月1日至2027年4月30日，成為任期最長嘅主席。市建局同時委任6名新非官方非執行董事，包括民建聯議員陳學鋒同保險界議員陳健波。
陳學鋒陳健波入局
另外4名獲新委任嘅成員仲有測量師趙錦權、土地及建設諮詢委員會委員羅淑君、安永香港及澳門區主管合伙人李舜兒、律師梁志珩，任期3年，由今年5月1日至2028年4月30日。
周松崗由2019年5月起做市建局主席，今次係第三度獲委任，即將會做足8年。發展局長甯漢豪相信憑藉周嘅卓越領導才能、豐富經驗，以及對市建局工作嘅認識，可領導市建局繼續有效推展市區更新嘅重要任務。
更多港聞
相關新聞
