【Emily】逾百捐贈者 兩月集得300升 母乳庫將分發新生兒深切治療部
[2025.03.24] 發表
【明報專訊】位於香港兒童醫院嘅香港母乳庫今年1月初成立，已招募超過100名合資格捐贈者，收集咗超過300公升母乳。香港母乳庫總監黃明沁形容成果超乎預期，而母乳庫本月會展開第二階段服務，將母乳分發到醫管局轄下9間新生兒深切治療部，其中早產嬰兒同罹患嚴重疾病嘅嬰兒會獲優先餵食捐贈母乳。
黃明沁接受政府新聞網訪問提到，母乳含有抗體同免疫因子，可保護嬰兒免受感染，而早產或有特別需要嘅嬰兒進食母乳後，包括壞死性腸炎在內嘅併發症明顯減少。佢呼籲社會為母乳庫出一分力，希望媽媽們支持呢個計劃。
母乳捐贈者陳敏婷嘅囝囝舊年4月出生，因為親歷餵母乳辛酸，加上得悉朋友嘅BB因早產等原因身形較細小，所以見到香港母乳庫成立就上網登記。其囝囝現時每日飲奶3次，佢仍保持每天泵奶4次，多出嘅一次奶預留作捐贈。
更多港聞
【Emily】港大醫學院同樂日 劉澤星打波又踢波
【明報專訊】港大醫學院噚日喺何鴻燊體育中心首辦運動與家庭同樂日，畀機會平日忙碌嘅醫護人員和教授，帶埋家人一齊嚟做運動玩吓，活動有逾400人參... 詳情
皇仁學生違規紀錄疑遭擅改 涉教學系統帳戶盜用 教局：校方正查
【明報專訊】有報道指皇仁書院有人未經授權存取教學系統eClass的帳戶，擅自修改學生違規紀錄。教育局昨日回覆本報稱，已提醒學校按相關指引處理... 詳情
相關新聞
