【Emily】通訊局調查 免費電視觀眾日睇2.6小時
[2025.02.21] 發表
【明報專訊】市民睇電視嘅習慣不斷轉變，通訊局噚日公布去年廣播服務意見調查嘅結果，顯示睇免費電視嘅觀眾有下跌迹象。對比前3次調查超過九成人話受訪前一個月內有睇過免費電視，今次就降至89.5%；每日有睇免費電視節目習慣嘅人亦由2014年嘅75.7%，下跌至舊年71.9%。
至於最受觀眾歡迎嘅免費電視頻道，無綫翡翠台排榜首，平日同周末嘅觀眾人數比率約78%，而無綫新聞台以平日同周末約67%嘅比率排第二。
調查喺舊年6月至9月以面談、電話訪問及網上問卷等形式訪問咗1640個年滿15歲嘅人，其中1504人喺調查前一個月有睇免費電視。
調查亦發現，免費電視觀眾每日平均睇2.6小時，少過2021年嘅2.8小時。被問到過去3年收睇免費電視嘅習慣有無改變時，60.8%受訪者話收睇時間相若，33.6%話睇少咗，5.6%話睇多咗。
另外，觀眾對免費節目種類嘅滿意度亦整體下降，感到滿意嘅觀眾由2021年59.5%，跌至舊年57.2%；覺得「一般」同「唔滿意」嘅就有28.3%及9%，同樣增加咗約兩個百分點。
更多港聞
【明報專訊】政府早前提出撥款5億元畀數碼港，推行「數碼轉型支援先導計劃」，以一對一配對方式，資助餐飲業、零售業、旅遊業及個人服務業中小企，採...
詳情
電檢指未送審 新亞學生會煞停放映 原播緬社運片 處方稱接投訴
【明報專訊】中文大學新亞書院學生會原擬前晚在放映會播放電影《何以鴉雀無聲》，但在活動前一小時煞停。新亞學生會昨日凌晨發聲明稱，放映當日接獲電... 詳情
【明報專訊】學界關注香港第三間醫學院花落誰家。有意爭辦醫學院的香港理工大學昨日表示，早前與北京大學醫學部簽署合作備忘錄，旨在促進「醫學交叉學...
詳情
相關新聞
