【Emily】佛山順德取經「低空經濟」 議員倡港結合AI發展產業
[2024.11.25] 發表
【明報專訊】近年內地積極發展「低空經濟」，港府亦成立咗工作組發展。最近大灣區低空經濟聯盟成員去咗佛山及順德考察，了解當地政府嘅無人機城市管理系統，創會會長葛珮帆提到，順德多個政府部門共享無人機巡查系統，配合人工智能(AI)模式去提升城市管理效率，認為現時香港政府仲用緊冇得共享同活動範圍有限嘅閉路電視，政府應該帶頭用低空科技結合AI推動產業發展。
佛山及順德嘅政府喺全區10個鎮鋪設34座無人值守固定式機場，同埋4架移動式無人機，並設置超過3200個全景點，可以確保無人機拍攝時覆蓋全區、10分鐘內可以去到全區任何位置，系統會將異常情况通知相關部門，可以有效解決城市管理。
一齊去考察嘅聯盟顧問、立法會議員陳紹雄同林筱魯都認為，香港可以參考內地政府經驗，其中林認為政府同內地城市可以協同研究發展，借助埋內地資源仲可以大幅縮減唔同系統喺香港測試同應用批核嘅時間，加速低空經濟發展。
更多港聞
【Emily】田北辰扮小丑魚講瀕危 小朋友會錯意
【明報專訊】實政圓桌立法會議員田北辰年過七十似乎童心未泯，仲扮鬼扮馬扮上癮，繼扮聖誕樹、扮鬼扮殭屍，噚日喺元朗搞嘉年華會時以一身橙色小丑魚造... 詳情
【Emily】潮州節20萬人次 林鄭月娥被鵝吸引
【明報專訊】第四屆「香港潮州節」噚日閉幕，活動喺香港會議展覽中心舉行，大會話五日嘅展期有逾20萬人次入場，營業額升一成。今年潮州節以「潮韻相... 詳情
相關新聞
