【Emily】陳月明「請纓」幫申請 鐵皮屋戶原區搬過渡房
[2024.11.09] 發表
【明報專訊】新界鄉郊仍有唔少人住喺鐵皮屋，打鼓嶺鄉委會主席兼立法會議員陳月明，早前協助打鼓嶺木湖村黃氏兩口申請過渡房屋，噚日正式搬入同區嘅「博愛昇平村」。陳月明建議政府主動安置鐵皮屋住戶，改善佢哋嘅居住環境。
陳月明話，唔少鄉郊村民住喺老舊祖屋或鐵皮屋，加上極端天氣頻生，村民屋企不時嚴重水浸，鄉郊基建相對落後，信息傳遞較閉塞，好多村民唔知點樣申請過渡房屋，呼籲政府各部門加強宣傳。
陳月明噚日同房屋局副局長戴尚誠等人一齊去探訪黃先生搬遷嘅情况，陳話早前因水浸探訪黃先生，對方屋企被雨水灌入房中，水深及腰，平時屋頂同牆壁「四面漏風」，又多蛇蟲鼠蟻，適逢打鼓嶺有過渡房屋即將落成，就通知並協助佢申請，最終可以原區安置。
更多港聞
【Emily】穿越到2099 挖「小店化石」考古
【明報專訊】社區保育議題看似老生常談，有冇諗過可以穿越未來探討？浸大視覺藝術院助理教授黃詠珊及陳家智與南豐集團合作，即日起至12日喺啟德AI... 詳情相關新聞
