【Emily】恒大校長田園Look種竹添綠
[2024.06.22] 發表
【明報專訊】恒生大學校長何順文上月曾形容恒大為「竹子大學」，原因之一係校內有大量建材係竹，噚日佢仲化身園藝師，戴上草帽、著住工人褲喺校園入面種竹。
恒大喺2014年設立「綠源『恒』動」計劃，吸引唔少教職員同校友捐款支持，喺校園唔同角落命名樹木。適逢計劃踏入10周年，恒大噚日就舉辦園藝活動，由何順文、鵬程慈善基金創辦人暨恒生大學─基金管理委員會委員鍾志平、校務委員會委員兼校友張華強，帶領一班捐款人、校友同師生齊齊綠化校園。
活動期間，何順文同參加者一齊種竹，話要貫徹「環境育人」理念。恒大形容種竹同培育人才嘅理念一脈相承，兩者都要悉心栽培先至會茁壯成長。活動參加者另到校內偉倫廣場修葺樹木同打理盆栽，希望透過培育一草一木，加強對校園嘅歸屬感。
更多港聞
相關新聞
