【Emily】跌傷返港治療 段崇智謝各方關心
[2024.05.17] 發表
【明報專訊】中大校長段崇智月初喺馬來西亞吉隆坡出席公務活動期間跌親，要做手術，無參加到上星期教育局長蔡若蓮率領嘅訪京團。佢喺最新一期校方刊物《走進中大》透露，𠵱家已返到香港繼續治療，康復期間繼續由常務副校長陳金樑暫代校長職務，並感謝各方關心，期盼盡早康復重回崗位。
段崇智今年1月宣布辭職，明年1月卸任，中大𠵱家緊鑼密鼓搵緊下一任校長。最新一期《走進中大》提到校長遴選委員會上月25日舉行咗4場交流會，畀教職員、學生同校友、大學校董會等持份者就下任校長需具備嘅條件同個人素質表達睇法。有教職員就話期望下任校長繼續同政府、立法會、內地機關等加強聯繫，亦有人喺學生同校友嘅交流會上，建議下任校長定期同學生見面加強溝通。
段崇智喺《走進中大》提到，中大連續7年喺英國《泰晤士高等教育》(THE)亞洲大學排名中躋身前十，但翻查資料，今年中大排名第十，較上年跌咗4位。
更多港聞
【Emily】返小學母校賀40周年校慶 張國鈞小學生做手勢 見兩代分別
【明報專訊】律政司副司長張國鈞（Horace）呢個禮拜返咗小學母校樂善堂梁黃蕙芳紀念學校，出席40周年校慶活動，「70後」嘅佢仲同細自己40... 詳情
【明報專訊】中學文憑試（DSE）各科考試本月初結束，不同院校陸續舉行諮詢日。教育大學明天（18日）將舉行「教大本科課程資訊日2024」，節目...
詳情
相關新聞
