【Emily】返小學母校賀40周年校慶 張國鈞小學生做手勢 見兩代分別
[2024.05.17] 發表
【明報專訊】律政司副司長張國鈞(Horace)呢個禮拜返咗小學母校樂善堂梁黃蕙芳紀念學校，出席40周年校慶活動，「70後」嘅佢仲同細自己40年嘅師妹區子桐(吉吉)同框拍片，做唔同情况下嘅手勢，睇出兩代人嘅分別。
例如「畀心心」，Horace用兩隻手喺胸前砌出心型，吉吉就用手指畀「韓式心心」；至於「打電話」，Horace就做個「六字手勢」放喺耳邊，吉吉平放手掌喺耳邊，明顯睇到唔同世代有唔同溝通方法，Horace見到都忍唔住大笑。
Horace喺校慶典禮致辭時話，自己係小四下學期插班，但都識得一班好朋友，「當年我經常考第二，考第一係一位女同學。現在我們成為了同事，她在執法部門工作，而我就在律政司」。Horace感謝母校教識佢認真做人，又寄語師弟師妹努力，將來貢獻社會。
更多港聞
【明報專訊】中學文憑試（DSE）各科考試本月初結束，不同院校陸續舉行諮詢日。教育大學明天（18日）將舉行「教大本科課程資訊日2024」，節目...
詳情
相關新聞
