【Emily】狄志遠台灣觀選 去晒3候選人競總
[2024.01.02] 發表
【明報專訊】台灣大選下周舉行，過去不論建制或泛民政團都會去台灣觀選、取經。新思維立法會議員狄志遠噚日就上載咗去台灣嘅相，提到佢哋去台灣見朋友，噚日下晝亦去晒3個台灣總統候選人嘅選舉總部參觀，同埋分析3個陣營嘅選舉策略。
狄志遠分析，話白營民眾黨嘅選舉團隊包裝專業，年輕化，明顯係爭取年輕票同中產票；藍營國民黨就以老實做包裝，同埋賣鄉情，狄志遠認為佢哋藉此鞏固同集中藍營票源。至於綠營民進黨，佢就形容係日式包裝，主打動物權益、運動本色。
1月13日就係台灣大選，狄志遠話根據近日嘅台灣民調，勝負差距嘅百分點係個位數，所以佢相信，嚟緊呢個幾星期候選人仍會繼續出招。除咗新思維，今次選舉相對少香港政黨去當地觀戰，據早前報道，擔任民協顧問嘅前議員馮檢基，下星期會以傳媒身分舉辦觀戰團，佢亦早於約兩個月前籌備，認為係了解選情，唔擔心受《港區國安法》影響。
更多港聞
【明報專訊】踏入新一年，太古地產再度推出新一期「書出愛心．十元義賣」收書大行動，為期一個月嘅書本收集活動噚日展開，市民可以將睇完閒置一角嘅書...
詳情
學生選新聞 排核水居首 蔡天鳳荷里活兩兇案列二三 區選最尾
【明報專訊】一年一度的學友社「十大新聞選舉」結果昨出爐，全港114間中學逾3.7萬名學生投票，排名首位是「日本排放核廢水 多方傳出反對聲浪」... 詳情
相關新聞
