【Emily】兩成港人欲遷內地倍增 主因物價高 38%欲遷外地同增 最感自由減
[2023.12.15] 發表
【明報專訊】中大香港亞太研究所最新一份民調顯示，37.7%受訪港人有移民或移居外地嘅打算，較去年同期28.4%上升9.3個百分點。調查同時發現，有20.3%受訪者有打算移居內地，同樣較去年11.3%多咗9個百分點。調查亦顯示，有意移民或移居外地嘅受訪者中，最多人提及嘅目的地依次為英國、澳洲、加拿大、台灣。
欲遷外地者 三成已行動
調查喺今年9月28日至11月9日以電話方式訪問咗708個年滿18歲嘅香港市民。調查發現，首3個令港人打算移民外地嘅本地因素依次係「香港自由(包括言論及新聞自由)／人權情况變壞」、「香港政治爭拗太多／政治不穩定」、「香港政制不民主」。話有打算移民外地嘅受訪者當中，33.2%話近期有為移民或移居做準備，66.0%就話「沒有做準備」。
打算離開嘅受訪者中，有近一半表示唔擔心移民後嘅生活。佢哋亦表示，外地首3個吸引佢哋離開嘅原因分別係「該地居住環境較好／較寬敞」、「該地自由(包括言論自由)」、「家人喜歡該地／有居留權／家庭團聚／有親戚朋友」。
至於話有打算移居內地嘅人，想走主因包括香港物價貴、居住環境差、樓價貴，而吸引佢哋想去內地嘅主因就包括「內地消費物價低」、「內地居住環境較好／較寬敞」、「內地空氣較好／沒有污染問題／較寧靜」。
更多港聞
【Emily】黑武士異形鐵甲俠 殺入科學館科幻展
【明報專訊】政府提出將尖沙嘴科學館搬去沙田，原址轉做國家發展與成就館。科學館館長（展品）袁月寶噚日被問到搬館，佢話係好事，仲力銷沙田位置一流... 詳情
【Emily】龍年郵票1?5售 首發雷射剪紙小型張
【明報專訊】香港郵政噚日宣布為迎接龍年，明年1月5日推出「歲次甲辰（龍年）」嘅賀歲生肖郵票，仲有「十二生肖金銀郵票小型張──瑞兔飛龍」、「十... 詳情
【Emily】一邦推交易促成平台 助港企拓商機
【明報專訊】政府有份出資支持嘅網上仲裁平台一邦國際網上仲調中心（eBRAM），除咗搞網上仲裁同調解服務，再下一城推出交易促成平台（deal ... 詳情
價值觀教育 中華作主軸 增孝親團結 仁愛代關愛
【明報專訊】教育局昨公布更新中小學《價值觀教育課程架構（試行版）》，由現時10個「首要培育學生的價值觀和態度」（下稱價值觀）增至12個，新加... 詳情相關新聞
