【Emily】警單車巡邏隊換新衫新車
[2023.12.15] 發表
【明報專訊】下周一(18日)起，警方推出「單車制服與裝備試行計劃」，20個新界北及新界南總區交通道路安全組人員，將會不定期喺各自區域嘅單車徑著新制服巡邏，單車仲換埋摺車。支援部總督察辜超逸期望計劃可以減少單車意外同違法數字，計劃為期3個月，之後會諗下係咪擴展到其他區。
新界先行 冀減意外及違法
警方話全港單車徑總長約210公里，主要喺新界。今年頭9個月，警方錄得3149宗踩單車者觸犯交通違例事項，包括載客、夜間或能見度低時無車頭車尾燈等；同期錄得1534宗單車意外，而單車意外由2019年及之前年均約1800至2000宗，增至2020年及之後約2500至3000宗，相信同單車徑發展、多咗人踩單車有關。被問到計劃係咪為提升阻嚇力，辜超逸認為最起碼想市民認識單車巡邏隊員嘅新服裝，見到巡邏隊時會留意自己踩單車嘅行為。
單車巡邏隊員嚟緊會著短袖單車上衣同短褲執勤，天冷時就著長袖保暖衣物打底，佢哋唔喺踩單車時會戴警察棒球帽，前方同旁邊有警方字樣同徽章，而上衣前後方亦有警察標示及肩章。至於新款沙地單車屬摺疊式設計，以便放喺車尾箱或衝鋒車後方，另設急救包處理意外傷者。辜超逸話新制服具吸濕排汗等功能，較適合踩單車執勤。
更多港聞
【Emily】一邦推交易促成平台 助港企拓商機
【明報專訊】政府有份出資支持嘅網上仲裁平台一邦國際網上仲調中心（eBRAM），除咗搞網上仲裁同調解服務，再下一城推出交易促成平台（deal ... 詳情
價值觀教育 中華作主軸 增孝親團結 仁愛代關愛
【明報專訊】教育局昨公布更新中小學《價值觀教育課程架構（試行版）》，由現時10個「首要培育學生的價值觀和態度」（下稱價值觀）增至12個，新加... 詳情
自費赴黎巴嫩助難民 港大女生獲律師會公益法律獎
【明報專訊】香港律師會每年嘉獎提供公益法律及社區服務的律師及律師行，今年新增學生組別，鼓勵法律學生回饋社會。得獎者之一的港大工商管理及法學士... 詳情
【明報專訊】計劃停辦的玫瑰崗中學，上月就中一至中五生下學年轉至余振強紀念第二中學（下稱余二）蒐集意願，校監何幼孫昨發通告，稱轉校余二、其他安...
詳情
相關新聞
